অসমীয়া জাতিৰ শিৰৰ মুকুট নামঘৰ পৰিচয় : বৈষ্ণৱ ধৰ্ম তথা অসমীয়া জাতিৰ শিৰৰ মুকুট স্বৰূপ ' নামঘৰ ' অসমীয়া জাতীয় জীৱনৰ এক অবিচ্ছেদ্য অংগ।এই নামঘৰ বাদ দি এখন সুস্হ অসমীয়া সমাজ মুঠেই আশা কৰিব নোৱাৰি। নৱবৈষ্ণৱ ভক্তি ধৰ্মৰ গুৰি ধৰোতা মহাপুৰুষ শ্ৰীমন্ত শঙ্কৰদেৱে অসমীয়া জাতীয় জীৱনৰ ধৰ্মীয়, সামাজিক তথা ক'লা-সংস্কৃতিৰ উত্তৰণৰ মহান উদ্দেশ্য লৈ নামঘৰ প্ৰতিষ্ঠা কৰিছিল।এই লেখাটিৰ জৰিয়তে অসমীয়া জাতিৰ শিৰৰ মুকুট নামঘৰ আৰু ইয়াৰ আধ্যাত্মিক দৰ্শনৰ লগতে বিভিন্ন অংগ সমূহৰ বিষয়ে আলোচনা কৰা হৈছে। সূচী পত্ৰ নামঘৰ কি ? : নামঘৰ কি ? বুলিলে আমি কব পাৰোঁ যে মহাপুৰুষ শ্ৰীমন্ত শংকৰদেৱৰ দ্বাৰা ঈশ্বৰৰ গুণানুকীৰ্তন শ্ৰৱণ কীৰ্তন কৰাৰ উদ্দেশ্যে প্ৰতিষ্ঠিত এটি গৃহ। য'ত আধ্যাত্মিক নৃত্য, নাট্য, গীত আদি ক'লা সংস্কৃতিৰ চৰ্চা কৰাৰ লগতে অনেক মাংগলিক উৎসৱাদি পালন কৰাৰ উপৰিও সমাজ একোখনৰ বিভিন্ন ধৰণৰ আলাপ আলোচনা,বাদ বিবাদ সমাধান আদিও কৰা হয়। নামঘৰৰ উৎপত্তি : নামঘৰ সৃষ্টি বা উৎপত্তি সম্পৰ্কে অসমীয়া সমাজত ভকত বৈষ্ণৱ সকলৰ মাজত মতভেদ দেখা যায়। অৱশ্যে বিভিন্ন জন সমাজৰ অনুকৰণীয় ব্যক্তিয়ে ...