ভাওনাৰ অগ্নিগড়

ভাওনাৰ অগ্নিগড়

ফটো : প্ৰিয়ানুজ ফুকন।

পৰিচয় :

ভাওনাৰ অগ্নিগড় হৈছে অসমীয়া ভাওনাত ব্যৱহৃত এবিধ পাৰম্পৰিক ভাওনাৰ আহিলা।  ভাওনা স্হলীত অভিনয় কৰা ভাও-ভাৱৰীয়া সকল অভিনয় স্হলীত প্ৰৱেশ কৰিবলৈ এই অগ্নিগড়ৰ তলেৰে আহিব লাগে। সেয়েহে ভাওনাত অগ্নিগড়ৰ ব্যৱহাৰ অতি মহত্বপূৰ্ণ।এই আলোচনাটিত অগ্নিগড় সম্পৰ্কে আলোচনা কৰা হৈছে।

অগ্নিগড় মানে কি :

ভাওনা স্হলীত কোনো ধৰণৰ বাধা বিঘিনি ইত্যাদি প্ৰৱেশ কৰিব নোৱাৰাকৈ ধেনুভিৰিয়াকৈ এক বিশেষ প্ৰকাৰৰ কাঠ বা বাঁহৰ দ্বাৰা তৈয়াৰী অগ্নি শিখাই হৈছে অগ্নিগড়।এই অগ্নিগড়ৰ আন এটি মূখ্য কাম হৈছে ভাওনা স্হলীত পোহৰ বিলোৱা। অগ্নিগড় শব্দটিৰ অৰ্থ হৈছে অগ্নি বা জুইয়ে আবৃত এক বিশেষ প্ৰকাৰৰ গড়।

আৰু পঢ়িব পাৰে- অংকীয়া ভাওনাৰ সূত্ৰধাৰ নৃত্য।

অগ্নিগড় নিৰ্মান ব্যৱস্থা :

সাধাৰণতে অগ্নিগড় নিৰ্মান কৰিবলৈ কাঠ আৰু বাঁহৰ ব্যৱহাৰ কৰা হয়। অৱশ্যে বৰ্তমান কোনো কোনো ঠাইত লো আদিৰো ব্যৱহাৰ কৰি এই অগ্নিগড় নিৰ্মান কৰা দেখা যায়।কাঠ, বাঁহ বা লোৰ ধেনুভিৰিয়াকৈ ভাজ কৰি দুই মূৰ দুফালে দুটা খুটাৰ লগত সংযোগ কৰা হয়। দুফালে দুই মূৰে দুটা মগৰৰ আকৃতি অংকন বা গঢ়ি তোলা হয়। ইয়াৰ লগতে ওপৰত ৯ কৰা ফুটা কৰা হয় যদিও কেতিয়াবা কেতিয়াবা ৯ গছি বন্তি প্ৰজ্বলন কৰাৰো দেখা যায়।

অগ্নিগড়ৰ তাৎপৰ্য :

অংকীয়া নাট ভাওনা বা মাতৃভাষাৰ ভাওনা সকলোতে অভিনয় স্হলীত যাতে কোনো বাধা বিঘিনি সোমাব নোৱাৰে তাৰেই ফলস্বৰূপে নাট্যশাস্ত্ৰৰ পূৰ্বৰংগৰ বিধানৰ আধাৰতেই এই অগ্নিগড়ৰ ব্যৱস্থা কৰা হয়। আনহাতে,নবিধ ভক্তিৰ প্ৰতীক স্বৰূপে ৯ গছ শলা বা বন্তি প্ৰজ্বলন এই অগ্নিগড়ত কৰা হয়। ভাওনাৰ অপৰিহাৰ্য অংগ হিচাপে এই অগ্নিগড় ব্যৱহাৰ কৰা হয়। ভাওনাৰ ইতিহাস তথা ভাওনা বুলিলেই ভাওনাৰ অগ্নিগড় এৰাব নোৱাৰা এক অংগ স্বৰূপে মহাপুৰুষীয়া সংস্কৃতিত স্হান দখল কৰি আহিছে আৰু আগলৈকো থাকিব।।

আৰু পঢ়িব পাৰে- মাতৃভাষা ভাওনা আৰু ধুৰা ভাওনা।